على باب سفارة كندا...

قصيده للشاعر على سلامه هى كوميدى بصراحه بس عجبتنى


اسمها (( على باب سفارة كندا ))


على باب سفارة كندا لمحت ابليس وفى ايده استماره بقوله ايه على فين
قالى بص يا هجره يا اعاره! يا عم انا كفرت ألاقيش معاك سيجاره ؟!
يا راجل انا خلاص لا بقيت وسواس ولا خناس ولا ليا عيش وسط الناس
بقالى سنين عاطل وانتوا بتعرفو تقلبوا الحق باطل وتقتلوا القتيل وتسلكوا
القاتل ومفيش مشاكل ! خلاص انا مسافر مهاجر!
يا راجل دانا بقيت اوسوس بالمقلوب اقول للحرامى انت مش هتتوب؟
يعنى انت هتعمل كل الذنوب لوحدك وانا ابليس اشتغل ايه واعظ ولا كمسرى فى اوتوبيس؟
يا راجل دانا زمان كنت اقعد استنى حد ينسى وهو بياكل لقمته , دلوقتى كل اكلكو ملوث
والواحد بيخاف على صحته , ده مفيش ضمير اساسا عشان اموته
يا راجل ده من كتر ما لطشت معايا مشيت مع الناس اللى بتقول كفايه !!!
وبردو مفيش فايده !!!